ნიკოლა კალინიჩი ბავშვობის გუნდს თავისუფალი აგენტის სტატუსით შეუერთდა.
ხორვატი თავდამსხმელი კარიერას სპლიტის ჰაიდუკში გააგრძელებს. მოთამაშემ კლუბთან 5-თვიანი კონტრაქტი გააფორმა.
აღსანიშნავია, რომ კალინიჩის ხელფასი სპლიტში სიმბოლურად 1 ევრო იქნება.
"ნიკოლა ერთი მიზნით დაბრუნდა, რომ გუნდს 19 წლის შემდეგ ტიტულის მოგებაში დაეხმაროს." - განაცხადა კლუბის დირექტორმა მინდაუგას ნიკოლიჩიუსმა.
ჰაიდუკი ხორვატიის ჩემპიონატში პირველ ადგილზეა და ჩემპიონობისთვის იბრძვის.
