ესპანეთი, 2012 წლის ევროპის ჩემპიონატის შემდეგ პირველად, დიდ სანაკრებო ტურნირზე მეოთხედფინალს ითამაშებს.
უდრამატულესი ქამბექი ბოლო წუთებზე, დამატებით დროში გადაწყვეტილი მატჩის ბედი, 8 გასული გოლი - ეს ალბათ ევროპის მიმდინარე ჩემპიონატის საუკეთესო მატჩი იყო.
მიმოხილვა - ესპანეთი 5:3 ხორვატია
ლეგენდარული სერხიო ბუსკეცი, რომელიც ნაკრებს წინა მატჩში შეუერთდა, მატჩის საუკეთესო ფეხბურთელად დასახელდა და ესპანელების თამაშის ხარისხის ასე დრამატულად გამოსწორებაში ერთ-ერთი ყველაზე დიდი დამსახურების მქონე პირია.
ესპანეთი 1/4 ფინალში შვეიცარიის ნაკრებს შეხვდება და ფურია როხას საკმაოდ რეალური შანსი ექნება, ნახევარფინალური ეტაპის საგზური მოიპოვოს.
