ივან პერიშიჩი ბავშვობის გუნდში დაბრუნდა.
34 წლის ფეხბურთელი ტოტენჰემიდან იჯარის წესით სპლიტის ჰაიდუკში გადავიდა და სეზონის ბოლომდე ხორვატიაში ითამაშებს.
პერიშიჩი სწორედ ჰაიდუკის აღზრდილია და კლუბს 17 წლის შემდეგ უბრუნდება.
გუნდი ამ მომენტისთვის ხორვატიის ჩემპიონატში პირველ ადგილზეა და დიდხნიანი პაუზის შემდეგ ჩემპიონობისთვის იბრძვის, ბოლოს სპლიტელებმა ტრიუმფი 2005 წელს იზეიმეს.
ჰაიდუკში ცოტა ხნის წინ ასევე დაბრუნდა ნიკოლა კალინიჩიც, ასე რომ ნაკრების მეგობრები ბავშვობის გუნდში ერთად ითამაშებენ.
