მორიგი ტრებლის ოცნება ცოცხალია - სიტი თასის ნახევარფინალში გავიდა

ინგლისის FA თასის 1/4 ფინალში მან სიტიმ ნიუკასლი დაამარცხა.

 

შეხვედრა ეტიჰადზე გაიმართა და მასპინძელთა გამარჯვებით 2:0 დასრულდა.

 

ორივე გოლი პირველ ტაიმში ბერნარდო სილვამ გაიტანა, ერთხელ როდრის პასით და მეორედ - რუბენ დიაშის.

 

ამრიგად, სიტიმ უემბლიზე ნახევარფინალურ მატჩში მონაწილეობა გაინაღდა, მეტოქე კი წილისყრის შემდეგ გახდება ცნობილი.