ლივერპულმა მეტოქე კვლავ გაანადგურა

ევროპა ლიგის 1/8 ფინალურ მატჩში ლივერპულმა სპარტა პრაღა ისევ არ დაინდო.

 

მერსისაიდელებმა ჩეხეთში 1-5 იმარჯვეს, დღეს კი მეტოქე ენფილდზე მიიღეს და ამჯერად 6-1 გაანადგურეს.

 

მასპინძელთა მხრიდან გოლები დარვნინ ნუნიესმა, ბობი კლარკმა, მოჰამედ სალაჰმა, კოდი გაკპომ (2) და დომინიკ სობოსლაიმ გაიტანეს.

 

გოლთან ერთად 3 საგოლე გადაცემა შეასრულა მო სალაჰმა, რომელიც ლივერპულის ისტორიაში პირველი ფეხბურთელი გახდა, ვინც ზედიზედ 7 სეზონში შეძლო 20 გოლის გატანა.

 

ლივერპულმა სპარტა პრაღა ორი მატჩის ჯამში 11-2 დაამარცხა და ევროპა ლიგის 1/4 ფინალში გავიდა.