კრიშტიანუ რონალდუს ჩემპიონთა ლიგის პლეი ოფში უკვე 3 წელია ძალიან უჭირს, პრობლემები კი პორტუგალიელს არც სერჟიო კონსეისაოს შეგირდებმა დააკლეს.
მატჩის პირველივე წუთებზე, ბენტანკურის შეცდომის შედეგად მეჰდი თარემიმ ანგარიშის გახსნა შეძლო, მეორე ტაიმის პირველ წუთზე კი სხვაობა მუსა მარეგამ გააორმაგა.
შეხვედრის მიწურულს ფედერიკო ჩიესამ ერთი გოლი გაქვითა და 2018 წლის აპრილის შემდეგ პირველი იუვენტინო გახდა კრიშტიანუ რონალდუს გარდა, ვინც ლიგის პლეი ოფში გოლის გატანა მოახერხა.
ბოლო 3 სეზონში იუვეს პლეი ოფებში სულ 7 გოლი ჰქონდა გატანილი, შვიდივე შემთხვევაში კი გოლის ავტორი კრიშტიანუ რონალდუ გახლდათ.
მატჩის საუკეთესო ფეხბურთელად უეფამ სერჟიო ოლივეირა დაასახელა, რომელმაც ნახევარდაცვაში შესანიშნავად იასპარეზა და ყველაზე მეტი წარმატებული ვარდნაც განახორციელა.
