საფრანგეთის ლიგა 2-ის 22-ე ტურში ბორდომ ლიდერ ანჟერს უმასპინძლა.
მატჩი მასპინძელთა გამარჯვებით 1-0 დასრულდა, ერთადერთი გოლის ავტორი კი ზურიკო დავითაშვილი გახდა, რომელმაც მეტოქის კარი შეხვედრის 70-ე წუთზე აიღო.
გოლიდან 2 წუთში ჟირონდელები კაცნაკლული დარჩნენ, თავად დავითაშვილი 89-ე წუთზე შეცვალეს, ბორდომ კი შეხვედრა ბოლომდე მიიყვანა და 3 ქულა მოიპოვა.
ეს ქართველისთვის ლიგა 2-ის მიმდინარე სეზონში მე-2 გოლია, შემტევს ასევე 3 საგოლე გადაცემა აქვს შესრულებული.
ბორდო ამ გამარჯვების შემდეგ 28 ქულით მე-13 ადგილზეა.
