კომპანია EA Sports-მა ოფიციალურად დაადასტურა, რომ ყოველწლიურ საფეხბურთო სიმულატორს, EA Sports FC-ს (წარსულში FIFA) ევრო 2024-ს მოუდი დაემატება.
ყველას, ვისაც აღნიშნული თამაში შეძენილი აქვს, განახლება ავტომატურად მოუვა, თუმცა მისი გამოსვლის ზუსტი თარიღი ჯერჯერობით უცნობია.
მნიშვნელოვანი ეს ამბავი იმიტომ არის, რომ ამ მოუდში ევროპის ჩემპიონატის 24-ვე მონაწილეს ვიხილავთ და შესაბამისად, საქართველოს ნაკრებსაც, რომელიც წლებია აღნიშნულ თამაშში აღარ გვინახავს.
თამაშში იქნება საქართველოს ნაკრები ფეხბურთელების ოფიციალური გვარებით, ფორმებით და მსგავსი მცირე დეტალებით. თუმცა, რეალური სახე თამაშში მხოლოდ გიორგი მამარდაშვილს და ხვიჩა კვარაცხელიას ექნებათ.
