საქართველოს ნაკრები ევროპის ჩემპიონატის მოსამზადებელი ეტაპის ფარგლებში ორ ამხანაგურ მატჩს ჩაატარებს.
ფეხბურთის ფედერაციის ვიცე-პრეზიდენტის ალექსანდრე იაშვილის (პირველ არხთან) თქმით, ეროვნული გუნდი 9 ივნისს პოდგორიცაში მონტენეგროს ეთამაშება.
მეორე მატჩის მეტოქე და ლოკაცია კი ჯერ-ჯერობით უცნობია და მოგვიანებით გაირკვევა.
ევრო 2024 სტარტს გერმანიაში 14 ივნისს აიღებს, საქართველოს ნაკრები კი თავის მატჩებს 18, 22 და 26 ივნისს ჩაატარებს. მეტოქეები თურქეთი, ჩეხეთი და პორტუგალია იქნებიან.
