რა შედეგს მიაღწია გორგოძემ ტურნირის პირველ ნომერთან?

ეკო გორგოძეს ამერიკის ქალაქ ლანდისვილში მიმდინარე W100 კატეგორიის ტურნირის ფინალში გასვლამდე ერთი ნაბიჯი დააკლდა.
სიაოდი იუსთან, ეკატერინა ოვჩარენკოსთან და ქეროლაინ დოულჰაიდთან გამარჯვების შემდეგ, ქართველი ჩოგბურთელი ტურნირზე პირველ ნომრად განთესილ მოთამაშესთან დამარცხდა.
ბელგიელი ენი ვანდევინკელი მსოფლიო რეიტინგის 93-ე ნომერია (გორგოძე 184-ეა). ქართველს პირველი სეტი რთულ ბრძოლაში, 6:4 მოუგო, მეორე პარტიაში კი გაცილებით დამაჯერებელი გახლდათ და ფინალის საგზური მოიპოვა - 6:4; 6:2.
ეკო გორგოძემ, რომელმაც ივლისში გერმანიაში ასევე W100 კატეგორიის ტურნირი მოიგო, ლანდისვილში გამოსვლა 1/2 ფინალურ ეტაპზე დაასრულა.