პსჟ საფრანგეთის სუპერ თასის მფლობელია

საფრანგეთის სუპერ თასზე ლიგა 1-ის გამარჯვებული პსჟ თასის მფლობელ ტულუზას დაუპირისპირდა და მეტოქე 2-0 დაამარცხა.

 

პარიზულმა გუნდმა მატჩის ბედი პირველივე ტაიმში გადაწყვიტა. სწრაფი გოლი მე-2 წუთზე უსმან დემბელეს პასით კან-ინ ლიმ გაიტანა, 44-ე წუთზე კი კილიან მბაპემ უპირატესობა ორამდე გაზარდა.

 

პარიზელები სუპერ თასის მფლობელები მეთორმეტედ გახდნენ, რაც, რა თქმა უნდა, რეკორდია. ასევე აღსანიშნავია, რომ პსჟ-მ ამ 12-დან 10 ტიტული ბოლო 11 წელიწადში მოიგო.