მანჩესტერ სიტი ახლოსაა რივერ პლეიტის 17 წლის ნახევარმცველის კლაუდიო ეჩევერის გაფორმებასთან, იუწყება ESPN.
ქალაქელებმა რივერ პლეიტთან აქტიური მოლაპარაკებები გამართეს და როგორც წყარო იუწყება, შეთანხმების მიღწევაც ახლოსაა. სავარაუდო სატრანსფერო ფასად 20 მილიონი ევრო სახელდება.
შეთანხმების შემთხვევაში ეჩევერი იჯარის წესით რივერ პლეიტში დარჩება და ინგლისურ გუნდს ზაფხულში შეუერთდება. ასე მოხდა ხულიან ალვარესის შემთხვევაშიც.
არგენტინელმა ტალანტმა თავი 17-წლამდე მსოფლიო ჩემპიონატზე გამოიჩინა, რითიც ბევრი გუნდის ყურადღება დაიმსახურა. მანჩესტერ სიტისთან ერთად ეჩევერით განსაკუთრებით ბარსელონაც ინტერესდებოდა.
