ლივერპული ინგლისის ლიგის თასის გამარჯვებულია

კარაბაო თასის ფინალში ლივერპულმა ჩელსი 1-0 დაამარცხა.

 

მატჩი უემბლიზე გაიმართა. გამარჯვებულის გამოსავლენად 90 წუთი საკმარისი არ აღმოჩნდა და შეხვედრაში დამატებითი დრო ვიხილეთ.

 

ყველაფერი უკვე პენალტების სერიისკენ მიდიოდა, თუმცა 118-ე წუთზე კოსტას ციმიკასის ჩაწოდებულ კუთხურს ვირჯილ ვან დაიკის შედეგიანი თავური მოჰყვა, რამაც მერსისაიდელებს გამარჯვება მოუპოვა. ვან დაიკმა გოლი მე-60 წუთზეც გაიტანა, მაგრამ გოლი თამაშგარე მდგომარეობის გამო გაუქმდა.

 

აღსანიშნავია, რომ ლივერპული პირველი გუნდი გახდა, რომელმაც ინგლისის ლიგის თასი 10-ჯერ მოიგო.

 

იურგენ კლოპმა კი წითლების მწვრთნელის რანგში მერვე ტიტული მოიპოვა. შეგახსენებთ, რომ ეს გერმანელის ბოლო სეზონია მერსისაიდში.