"კროოსი შეუცვლელია" - ანჩელოტის ადაპტაციან

მადრიდის რეალის მთავარმა მწვრთნელმა კარლო ანჩელოტიმ პრესკონფერენციაზე კომენტარი გააკეთა.
"ჩვენ არ ვცდილობთ ტონი კროოსის შეცვლას, ის შეუცვლელია. ჩვენ უბრალოდ მის არყოფნაში ადაპტაციას გავდივართ. მოდრიჩს შეუძლია კროოსის შეცვლა, ეს მართალია. ჩემთვის ლუკა საუკეთესო მოთამაშე იყო დერბიში." - განაცხადა იტალიელმა სპეციალისტმა.
ესპანური Relevo-ს ინფორმაციით, კარლო ანჩელოტისა და მის სამწვრთნელო შტაბს ასეთ სიტუაციაში კამავინგასი სჯერათ. ისინი მას კროოსის წასვლისგან დარჩენილი სიცარიელის შევსებაში ენდობიან. ასევე მწვრთნელები აფასებენ მოთამაშის დრიბლინგის უნარებს, სიმამაცეს, ფიზიკურ და ტექნიკურ ხარისხს.
ანჩელოტისთან დაკავშირებით თავად ტონი კროოსმაც იხუმრა.
"ვესტუმრები თუ არა ჩემს ყოფილ გუნდელებს ვალდებებასზე (რეალის სავარჯიშო ბაზა)? ამას თან რისკიც ახლავს, კარლომ შეიძლება იქ დარჩენა დამაძალოს."
გერმანელმა ნახევარმცველმა გასული სეზონის ბოლოს 34 წლის ასაკში საფეხბურთო კარიერის დასრულება გადაწყვიტა და სამშობლოში გამართული ევროპის ჩემპიონატის შემდეგ ბუცები ლურსმნებზე ჩამოკიდა.