იუვენტუსს ოთხმატჩიანი მოუგებელი სერია დაუგროვდა - ინტერი ძალიან წინ გაიქცა

სერია ა-ში იუვენტუსის მოუგებელმა სერიამ 4 მატჩს მიაღწია.

 

მასიმილიანო ალეგრის გუნდი ჩემპიონატის 25-ე ტურში ვერონას დაუზავდა - 2:2.

 

უკანასკნელად ტურინელებმა 21 იანვარს, ლეჩესთან მატჩში მოიგეს (3:0). მას შემდეგ, გუნდმა ორი შეხვედრა ფრედ დაასრულა, ორჯერ კი დამარცხდა.

 

ოთხმატჩიანი მოუგებელი სერია იუვენტუსს 2023 წლის აპრილის შემდეგ არ ჰქონია.

 

ამ ტურის შემდეგ, იუვენტუსი ინტერს 9 ქულით ჩამორჩება, მესამეადგილოსან მილანს კი 2 ქულით უსწრებს, თუმცა ორივე მილანურ გუნდზე ერთი მატჩით მეტი აქვს ჩატარებული. ანუ პოტენციურად, ბიანკონერიმ მეორე ადგილიც დაკარგა.