ცნობილმა იტალიელმა ჟურნალისტმა, ჩიჩო მაროლდამ, ნაპოლის ამჟამინდელი მწვრთნელი, ფრანჩესკო კალცონა გააკრიტიკა.
„ინტერთან თამაში არც კარგი და არც ცუდი, არამედ არაფრისმომცემი იყო. ნაპოლიმ კალიარისთან და ტორინოსთან დაკარგა გადამწყვეტი ქულები. რომ მოეგო, ახლა მეხუთე ადგილთან 1-2 ქულაში იქნებოდა და სულ სხვანაირად ვილაპარაკებდით.
კალცონა კარგი ადამიანია, ვინც მოედანზე ბევრს შრომობს, მაგრამ როგორც მწვრთნელით, მისით იმედგაცრუებული ვარ. მისგან სწორი გადაწყვეტილება, კარგი ტაქტიკური ცვლილება ან რაიმე კრეატიული იდეა არ მინახავს. მას იდეები არ გააჩნია და აშკარაა, რომ ვინც აქამდე ვერ შეიცვალა ცხოვრებაში, ამას ვერც 60 წლის ასაკში მოახერხებს.
ჩემპიონთა ლიგაზე ადგილის მოსაპოვებლად 66-67 ქულა იქნება მინიმუმ საჭირო. ანუ, ნაპოლიმ 9 მატჩში 22 ქულა უნდა დააგროვოს და პრაქტიკულად ყველა მოიგოს, რაც ფაქტობრივად შეუძლებელია." - აღნიშნა მაროლდამ.
