დანიის ეროვნული ნაკრები 2022 წლის მუნდიალზე გულშემატკივრების ფავორიტად მოგვევლინა, სიმპათიური ფეხბურთელებით დაკომპლექტებული გუნდი რომელმაც შესარჩევი ეტაპი შესანიშნავად გაიარა, კარგი "შავი ცხენი" უნდა ყოფილიყო ყატარის მსოფლიო ჩემპიონატზე საქომაგოდ, მაგრამ მოვლენები რადიკალურად განსხვავებულად წარიმართა
საკვალიფიკაციო ეტაპზე დანიელებს 10 ტურში 9 მოგება და 30 გატანილი გოლი ჰქონდათ და ტურნირის ერთ-ერთ ყველაზე შემტევ, ლაღ და ლამაზი ფეხბურთის მოთამაშე ქვეყანად ითვლებოდნენ, ეს სენტიმენტები ჰიულმანდის შეგირდებმა მუნდიალზე ვერ გადმოიტანეს
პირველ ტურში დანიელებმა ტუნისი ვერ დაამარცხეს და მეტოქესთან საგრძნობლად დაიჩაგრნენ კიდეც, რაც ბევრისთვის სიურპრიზი იყო
მეორე ტურში საფრანგეთთან დამარცხება არავის გაკვირვებია, მაგრამ ძალიან დასანანი იყო ის თუ როგორ შედგა ფრანგების ტრიუმფი - 86' წუთზე ანგარიში 1:1 იყო და მატჩი მეტნაკლებად ლოგიკური ყაიმისკენ მიდიოდა, მაგრამ კილიან მბაპემ ბოლო წუთებზე დუბლი შეასრულა და დანიელები ძალიან რთულ მდგომარეობაში ჩააყენა
ბოლო ტურში დანიას გამარჯვება ჭირდებოდა ჯგუფიდან გასასვლელად - მათი მეტოქე კი ავსტრალიის ნაკრები იყო. ყველაფერი პირიქით მოხდა - მატჩი ავსტრიელებმა მოიგეს და ჯგუფური ეტაპის ერთ-ერთი პირველი სენსაცია დააფიქსირეს
