ბოიკოტი გრძელდება — კრიშტიანუ რონალდუ ალ ნასრს ულტიმატუმებით ელაპარაკება

კრიშტიანუ რონალდუსა და ალ ნასრს შორის ურთიერთობა უკიდურესად დაიძაბა.
პორტუგალიელი ვარსკვლავი ზედიზედ მეორე მატჩის ბოიკოტირებას აპირებს, რადგან საუდის არაბეთის სუვერენული ფონდისგან (PIF) კლუბის მართვის სისტემის შეცვლაზე მკაფიო გარანტიები ვერ მიიღო.
ESPN-ის ინფორმაციით, თუ უახლოეს კვირებში ვითარება არ შეიცვლება, 41 წლის ფორვარდი ივნისში კლუბის დატოვებას მოითხოვს. რონალდუმ უკვე გამოტოვა ალ რიადთან შეხვედრა და არც გუნდის ვარჯიშზე გამოჩენილა. პარასკევს ალ ნასრი ალ იტიჰადს უნდა დაუპირისპირდეს, თუმცა კრიშტიანუს მონაწილეობა ამ თამაშშიც კითხვის ნიშნის ქვეშ დგას.
კონფლიქტის მთავარი მიზეზი რონალდუს უკმაყოფილებაა იმის გამო, თუ როგორ მართავს PIF კლუბს კონკურენტებთან, განსაკუთრებით კი ალ ჰილალთან შედარებით. პორტუგალიელი მიიჩნევს, რომ ფონდი მის გუნდს ჩემპიონობისთვის ბრძოლაში ხელს უშლის. მეტიც, ვრცელდება ინფორმაცია, რომ რონალდუ კარიმ ბენზემას ალ ჰილალში შესაძლო გადასვლის წინააღმდეგიც იყო, რადგან თვლის, რომ ეს ჯანსაღ კონკურენციას აზიანებს.
თუ მხარეები ვერ შეთანხმდნენ, ლეგენდარული ფეხბურთელი ზაფხულში საუდის არაბეთის დატოვებას და კარიერის გაგრძელებას MLS-ში ან ევროპულ ლიგაში გეგმავს.