აგუერო ფეხბურთში ბრუნდება? არგენტინელმა გავრცელებულ ინფორმაციას უპასუხა

სერხიო აგუერო, რომელმაც საფეხბურთო კარიერა იძულებით, 2021 წელს დაასრულა, შესაძლოა ფეხბურთში დაბრუნდეს.

 

ბოლო დღეებში აქტიურად ვრცელდებოდა ინფორმაცია, რომ ექიმმა 35 წლის ექს-ფეხბურთელს ფეხბურთში დაბრუნების ნება დართო, რადგან მისი გულის მდგომარეობა ამისათვის საკმარისად დამაკმაყოფილებელია. ისიც კი დაიწერა, რომ კუნი ვარჯიშს მშობლიურ კლუბში, ინდეპენდიენტეში უახლოეს დღეებში განაახლებდა.

 

თუმცა, ეს ინფორმაცია თავად ფეხბურთელმა Twitch-ზე პირდაპირ ეთერში უარყო:

 

„ეს აბსოლუტრი სიცრუეა, ინდეპენდიენტესთან ვარჯიშს არ განვაახლებ. კარდიოლოგმა მითხრა, რომ კარგად ვარ, რაც მნიშვნელოვანია. თუმცა, იმისთვის რომ პირველი დივიზიონის დონეზე თამაშს დავუბრუნდე, კიდევ ბევრი ტესტი მექნება ჩასატარებელი." - აღნიშნა აგუერომ.

 

სერხიომ კარიერა 2021 წელს გულის პრობლემების გამო დაასრულა.