პეპეს მასტერკლასი რონალდუს იუვენტუსის წინააღმდეგ

კრიშტიანუ რონალდუ იუვენტუსთან ერთად ჩემპიონთა ლიგაზე ასპარეზს ზედიზედ მეორედ, მერვედფინალურ ეტაპზე, გამოეთიშა.

იუვენტუსი 3:2 პორტო - მიმოხილვა

ამჯერად პორტუგალიელის კამპანია მისი მშობლიური სპორტინგის ერთ-ერთმა მოსისხლე მტერმა, პორტუმ მოახერხა.

იუვენტუსში გადასვლის შემდეგ რონალდუ ლიგიდან აიაქსმა, ლიონმა და ახლა უკვე პორტუმ გააგდეს. თუ გასულ სეზონებში კრიშტიანუს თავის დამშვიდება იმით შეეძლო, რომ გოლები მხოლოდ მას გაჰქონდა და პრობლემები გუნდს სხვა რგოლებში უნდა ეძება, ახლა ასე აღარ არის.

იუვენტუსმა პორტუს 4 გოლი გაუტანა, რონალდუ კი 210 წუთიანი დაპირისპირების განმავლობაში ძალიან პასიური იყო და კიეზას ერთი გოლის დროს ფედერიკოსთვის ბურთის დაგდების გარდა დასამახსოვრებელი ვერაფერი გააკეთა.

კრიშტიანუმ ლიგა 4 გოლითა და 2 საგოლე გადაცემით დაასრულა, რაც პორტუგალიელი სუპერვარსკვლავის მეორე ყველაზე ცუდი შედეგია 2005/06 წლების სეზონის შემდეგ. იმ სეზონში იუნაიტედი ჯგუფში ჩარჩა, რონალდუს კი არც ერთი გოლი და საგოლე გადაცემა არ გაუკეთებია.

მეორე მხარეს, ფენომენალური მატჩი აჩვენა 38 წლის პორტუგალიელმა მცველმა პეპემ, რომელმაც პორტოს ღირსეულად უკაპიტნა და გუნდის შემდეგ ეტაპზე გასვლაში უდიდესი წვლილი შეიტანა.

პეპემ იუვენტუსის 18 შეტევა გაანეიტრალა, 2-ჯერ მეტოქის პასი ჩაჭრა, 2-ჯერ წარმატებული ვარდნა განახორციელა და ორ საჰაერო ორთაბრძოლაში დაჯაბნა მეტოქე.

ჯამში პორტუს კაპიტანმა 24 ორთაბრძოლა მოიგო, რაც მატჩში ყველაზე მეტი იყო.