ზინედინ ზიდანის პრემიერ ლიგაში მუშაობა გამორიცხულია.
მიუხედავად იმისა, რომ ფრანგი მწვრთნელის მიმართ ინტერესს მანჩესტერ იუნაიტედის ახალი ხელმძღვანელობა, კომპანია Ineos-ი იჩენს, ზიზუ ნისლიან ალბიონზე მწვრთნელად მუშაობის ვარიანტს არც განიხილავს.
მეტიც, თუ Sun Sport-ს დავუჯერებთ, მსოფლიოში სამად სამი გუნდი არსებობს, რომელსაც ზიდანი მზადაა მწვრთნელის რანგში ჩაუდგეს სათავეში. ესენი არიან: მარსელი, რეალ მადრიდი და საფრანგეთის ნაკრები.
თუმცა, თავად ზიზუმ რამდენიმე დღის წინ მიცემულ ინტერვიუში აღნიშნა, რომ იტალიაში მუშაობას არ გამორიცხავს, სადაც ფეხბურთელის რანგში იუვენტუსში აქვს ნათამაშები.
