საუდის არაბეთი გამოირიცხა - მოდრიჩი არჩევანს ორ ვარიანტს შორის გააკეთებს

როგორც ჩანს, ლუკა მოდრიჩის პერიოდი სანტიაგო ბერნაბეუზე დასასრულს უახლოვდება.

 

The Athletic-ის ინფორმაციით, კლუბი ლუკას ასაკიდან გამომდინარე მისთვის ახალი კონტრაქტის შეთავაზებას ეჭვის თვალით უყურებს.

 

თავის მხრივ, თავად ლუკაც მიმდინარე სეზონში სათამაშო დროით უკმაყოფილოა, ამიტომ არანაირი გარანტია არ არსებობს იმის, რომ ფეხბურთელი ახალი კონტრაქტის შეთავაზებას [კლუბმა რომც გააკეთოს] დათანხმდება, მიუხედავად იმისა, რომ მისი ოჯახი მადრიდში კომფორტულად გრძნობს.

 

ფეხბურთელს კარიერის გაგრძელების სხვადასხვა ვარიანტები აქვს - საუდის არაბეთიდან, სამშობლოდან და MLS-იდანაც.

 

თუმცა, ლუკა საუდის არაბეთში გადაბარგების ვარიანტს გამორიცხავს და არჩევანს, დიდი ალბათობით, MLS-სა და ხორვატიაში დაბრუნებას შორის გააკეთებს.