სალაჰი: "ჭადრაკი ფეხბურთის თამაშის გაუმჯობესებაში მეხმარება"

ლივერპულის ლიდერის, მო სალაჰის აზრით, ფეხბურთში გაუმჯობესებაში მას ჭადრაკი ეხმარება.

 

ეგვიპტელმა ასე უპასუხა შეკითხვას, რით ეხმარება მისი ჰობი ფეხბურთის თამაშს.

 

„არ ვიცი, ზუსტად რით, მაგრამ არ გატყუებთ, ნამდვილად მეხმარება. ჭადრაკმა ძალიან ჩამითრია. იმდენად, რომ თითქმის ყოველდღე ვთამაშობ მინიმუმ შვიდ ან რვა პარტიას. ზოგჯერ მეტსაც.

 

არ ვიცი, ანვითარებს თუ არა ეს რაიმეს უშუალოდ თამაშში, მაგრამ სტრატეგიულად ფიქრს ნამდვილად გასწავლის. ზუსტად არ ვიცი [ეს როგორ მუშაობს], მაგრამ ვგრძნობ, რომ ჭადრაკის თამაში უზომოდ მსიამოვნებს." - აღნიშნა სალაჰმა.