მორიგი პენალტების სერია - მადრიდში ქამბექი შედგა

ჩემპიონთა ლიგის 1/8 ფინალური ეტაპის განმეორებით მატჩში მადრიდის ატლეტიკომ მილანის ინტერს უმასპინძლა.

 

33-ე წუთზე ანგარიში ფედერიკო დიმარკომ გახსნა, რომელსაც საგოლე გადაცემა ნიკოლო ბარელამ გაუკეთა. ამ გოლით ინტერმა ორი მატჩის ჯამში უპირატესობა ორბურთიანი გახადა, თუმცა ატლეტიკო აქ დანებებას არ აპირებდა.

 

35-ე წუთზე ნერაძურის საჯარიმოში არეულობით ანტუან გრიზმანმა ისარგებლა და ანგარიში გაათანაბრა.

 

79-ე წუთზე მოედანზე მემფის დეპაი შემოვიდა, რომელიც თამაშში აქტიურად ჩაერთო და 87-ე წუთზე გოლიც გაიტანა, რომლის წყალობითაც მატჩი დამატებით დროში გადავიდა.

 

ექსტრა ტაიმებში გამარჯვებული ვერ გამოვლინდა, შეხვედრა 2-1 დასრულდა (ორი მატჩის ჯამში 2-2) და შესაბამისად პენალტების სერია ვიხილეთ.

 

თერთმეტმეტრიანებში გამარჯვებული როხიბლანკო გამოვიდა. გოლები მემფის დეპაიმ, როდრიგო რიკელმემ და ანხელ კორეამ გაიტანეს, საულ ნიგესს კი იან ზომერმა აუღო.

 

ინტერის მხრიდან კი მხოლოდ ჰაკან ჩალჰანოღლუმ და ფრანჩესკო აჩერბიმ შეძლეს პენალტის ზუსტად შესრულება. ალექსის სანჩესსა და დევი კლაასენს იან ობლაკმა აჯობა, გადამწყვეტი დარტყმა კი ლაუტარო მარტინესმა გადააცილა კარს.

 

შესაბამისად ატლეტიკომ ინტერთან ქამბექი შეასრულა და 1/4 ფინალში გავიდა.