NBA-ში მოულოდნელი და მნიშვნელოვანი გაცვლა მოხდა.
ცნობილი ინსაიდერისა და The Athletic-ის ჟურნალისტის Shams Charania-ს ცნობით, ნიქსი კარლ-ენტონი თაუნსს მიიღებს მინესოტადან ჯულიუს რენდლის, დონტე დივინჩენცოსა და დეტროიტის პირველი რაუნდის პიკის სანაცვლოდ.
ვრცელდება ცნობა, რომ თავად კარლ-ენტონი თაუნსს 9 წლის განმავლობაში არასდროს მოუთხოვია გაცვლა ტიმბერვულვზისთვის.
გაცვლას თავად მოთამაშეც გამოეხმაურა X-ზე და უბრალოდ სამი წერტილი დაწერა.
თაუნსი ტიმბერვულვზს 2015 წელს შეუერთდა, როცა გუნდს ყველაზე ცუდი შედეგი ჰქონდა ლიგაში. მოთამაშემ გუნდთან ერთად რთული პერიოდი გაიარა და საბოლოოდ გასულ წელს დასავლეთ კონფერენციის ფინალში გავიდა მას შემდეგ, რაც დენვერი 7 მატჩში დაამარცხა.
ახლა კი მინესოტასა და კარლ-ენტონი თაუნსის ისტორია სრულდება. თ თაზო ჩარკვიანი
