"კვარაცხელია ზაფხულში უნდა გამეყიდა, მაგრამ კონტეს პირობა მივეცი" - დე ლაურენტისი

ნაპოლის პრეზიდენტმა, აურელიო დე ლაურენტისმა Corriere della Sera-სთან ხვიჩა კვარაცხელიას ტრანსფერის დეტალები გაიხსენა.
"რატომ მომიწია კვარაცხელიას გაყიდვა იანვარში? იმიტომ, რომ მისი აგენტი მემუქრებოდა FIFA-ს რეგლამენტის მე-17 მუხლის გამოყენებით.
ეს ამბავი უნდა აიხსნას: ქართველის პირველი საოცარი სეზონის შემდეგ ჩვენ მაშინვე დავიწყეთ კონტრაქტის განახლების მოლაპარაკებები, ვზრდიდით მის ხელფასს და ვთავაზობდით საკმაოდ სოლიდურ თანხას, რადგან აშკარა იყო, რომ მისი შეზღუდული ანაზღაურება მსოფლიოს ნახევარს მოიზიდავდა, რომლებიც მზად იყვნენ ის სიმდიდრით დაეტვირთათ.
მაგრამ მის აგენტს, მამუკა ჯუღელს, სხვა გეგმები ჰქონდა – როგორც საკუთარი თავისთვის, ისე ფეხბურთელისთვის. მას სურდა სხვა კლუბიდან უზარმაზარი საკომისიო და კვარასთვის ორნიშნა ხელფასი მოეპოვებინა.
კონტრაქტის მეორე წლის ბოლოს ევროპის ჩემპიონატი გერმანიაში იმართებოდა. მანა, კიაველი და მე დიუსელდორფში წავედით საკითხის მოსაგვარებლად, მაგრამ მამუკა დროს წელავდა და ამტკიცებდა, თითქოს ჯუნტოლი დაჰპირდა თანხას, რომელიც არ გადაუხდია.
სიცრუე იყო, ამის გადამოწმება რთული არ აღმოჩნდა. მაშინ უნდა გამეყიდა; პსჟ-ს კვარა-ოსიმენის პაკეტში 200 მილიონ ევროზე მეტი ჰქონდა შემოთავაზებული, მაგრამ კონტესთვის დაპირება მქონდა მიცემული, რომ მას დავიტოვებდი და ვეღარ მოვახერხე, ჩემი სიტყვა უკან წამეღო." - განაცხადა და ლაურენტისმა.