პრემიერ ლიგის 28-ე ტურს ჩელსისა და ნიუკასლის დაპირისპირება დახურავს.
ჩელსი - ნიუკასლი (23:59) - უყურე მატჩს უფასოდ adjarabetarena-ზე.
ჩელსის ამ შეხვედრაში მცველები ბენ ჩილუელი და ლევი კოლუილი დააკლდება.
კონორ გალასერს ვირუსი აქვს და ამის გამო მისი თამაში საეჭვოა, ლურჯებს კვლავ ვერ დაეხმარებიან კარნი ჩუკვუემეკა, რის ჯეიმსი, ბენუა ბადიაშილი და კრისტოფერ ნკუნკუ.
ნიუკასლის მხრიდან მატჩს გამოტოვებს კირან ტრიპიე. ლუის ჰოლი, რომელიც იჯარის წესით სწორედ ჩელსიდანაა განათხოვრებული, კონტრაქტის გამო ვერ ითამაშებს. კალუმ უილსონი, ჟოელინტონი და ნიკ პოუპი კი კვლავ დიდხნიანი ტრავმის გამო უქმობენ.
ჩელსი
ჩელსიმ ყველა ტურნირზე სახლში ჩატარებული ბოლო 12 მატჩიდან მხოლოდ 1 წააგო (8 მოგება, 3 ფრე).
ლურჯებს პრემიერ ლიგაშვი სახლში მარტის თვეში 2001 წლის შემდეგ არ წაუგია (37 მატჩი).
კოულ პალმერმა სასტარტო შემადგენლობიდან დაწყებულ 18 მატჩში 17 გოლში მიიღო მონაწილეობა (10 გოლი და 7 საგოლე გადაცემა).
პალმერს ყველაზე მეტი გოლი და საგოლე გადაცემა აქვს ჩელსის 21-წლამდე მოთამაშეებს შორის.
ნიუკასლი
ნიუკასლმა პრემიერ ლიგაში ბოლო 8 გასვლითი შეხვედრიდან 6 წააგო და მხოლოდ 2 მოიგო.
კაჭკაჭებმა გასვლით შეხვედრებში 29 გოლი გაუშვეს, რაც შეფილდ იუნაიტედის შემდეგ ყველაზე ცუდი შედეგია.
10 გასვლითი მატჩია გუნდს კარი მშრალად არ შეუნახია.
პრემიერ ლიგის მიმდინარე სეზონში ნიუკასლის შეხვედრებში საშუალოდ 3.8 გოლი გადის, რაც ყველა გუნდის შედეგზე მეტია.
ედი ჰაუს ჩელსისთან ბოლო 7 პრემიერლიგური მატჩიდან 4 მოგებული აქვს (2 ფრე, 1 წაგება).
ენტონი გორდონს შეუძლია გახდეს ნიუკასლის პირველი მოთამაშე, რომელიც ჩელსის ზედიზედ 3 შეხვედრაში გაუტანს.
გორდონს პრემიერ ლიგის ამ სეზონში 27 თამაშში 10 გოლი და 5 საგოლე გადაცემა აქვს.
ურთიერთშეხვედრები
ჩელსის პრემიერ ლიგაში სახლში ჩატარებული 28 მატჩიდან ნიუკასლთან მხოლოდ 1 აქვს წაგებული (20 მოგება, 7 ფრე).
ლურჯებს ჩემპიონატში ნიუკასლთან ორივე მატჩის მოგება 1986-87 წლების შემდეგ პირველად შეუძლიათ.
სავარაუდო შემადგენლობები:
ჩელსი (4-2-3-1): სანჩესი; გუსტო, დისასი, სილვა, კუკურელია; კაისედო, ფერნანდესი; სტერლინგი, პალმერი, მუდრიკი; ჯექსონი.
ნიუკასლი (4-3-3): დუბრავკა; ლივრამენტო, შარი, ბოტმანი, ბარნი; უილოკი, გიმარაეში, ლონგსტაფი; მერფი, ისაკი, გორდონი.
მატჩს ჯონ ბრუკსი განსჯის, რომელმაც პრემიერ ლიგის მიმდინარე სეზონში 16 მატჩში მოთამაშეებს ჯამში 73 ყვითელი, 2 მეორე ყვითელი და 2 წითელი ბარათი უჩვენა, სულ კი 4 პენალტი დანიშნა.
