გალათასარაის მარჯვენა მცველი საშა ბოეი კარიერას ბაიერნში გააგრძელებს.
ფაბრიციო რომანოს ინფორმაციით კლუბებმა შეთანხმებას მიაღწიეს. მიუნხენელები თურქებს 28 მილიონ ევროს გადაუხდიან.
მარჯვენა მცველი გერმანელებთან კონტრაქტს 2029 წლამდე გააფორმებს. მოთამაშე მიუნხენში ხვალ ჩაფრინდება და სამედიცინო შემოწმებას გაივლის.
23 წლის ფეხბურთელი გალათასარაიში 2021 წლიდან თამაშობს, მანამდე კი ფრანგულ რენსა და დიჟონში გამოდიოდა.
