ბენ უაითმა ლონდონის არსენალთან ახალი ხელშეკრულება გააფორმა.
ინგლისელმა კონტრაქტი 2028 წლამდე გაახანგრძლივა.
"ბენ უაითი ჩვენთვის მნიშვნელოვანი მოთამაშეა. უმაღლესი დონის პროფესიონალი გამარჯვებულის მენტალიტეტით და სამაგალითო ადამიანი. გვიხარია, რომ მასთან ერთად მუშაობას მომავალ წლებშიც გავაგრძელებთ." - განაცხადა მიკელ არტეტამ.
"ძალიან ბედნიერი ვარ. დიდი გზა გავიარე და დიდებულია, რომ კიდევ ბევრი წელი ვიქნები აქ. აქამდეც მითქვამს, რომ სხვაგან ყოფნა არ მინდა. აქ ყველაფერი იდეალურია" - განაცხადა 26 წლის მცველმა კონტრაქტის გაფორმების შემდეგ.
