ჩემპიონთა ლიგის მერვედფინალის პირველ მატჩში არსენალი სტუმრად პორტოსთან დამარცხდა.
შეხვედრა სტადიონ დრაგაუზე გაიმართა და მასპინძელთა გამარჯვებით 1:0 დასრულდა.
ერთადერთი გოლი 90-ე წუთზე გალენომ გაიტანა და თავის გუნდს საპასუხო მატჩის წინ უპირატესობა მოუტანა.
ბურთის ფლობაში სოლიდური უპირატესობის გარდა, არსენალმა მოედანზე ბევრი ვერაფერი მოახერხა - რად ღირს მხოლოდ ის ფაქტი, რომ გუნდის 7 კარისკენ გასროლიდან ზუსტი არცერთი არ აღმოჩნდა.
ამრიგად, 12 მარტს გასამართ საპასუხო შეხვედრაში არტეტას გუნდს ქამბექი ექნება შესასრულებელი, თუ არადა 1/8-ფინალებიდან ზედიზედ გავარდნის წყევლა კვლავ გაგრძელდება.
