აზიის თასის 1/2 ფინალში ერთმანეთს იორდანია და სამხრეთ კორეა დაუპირისპირდნენ.
მატჩის ბედი მეორე ტაიმში გადაწყდა. 53-ე წუთზე იორდანიელთა მხრიდან გოლი ალ ნაიმატმა გაიტანა, 66-ე წუთზე კი უპირატესობა ორამდე მონპელიეს ფეხბურთელმა ალ ტამარიმ გაზარდა და საბოლოო ანგარიშიც (2-0) დააფიქსირა.
იორდანიის ნაკრები აზიის თასის 1/2 ფინალში პირველად იყო და შესაბამისად ფინალშიც ისტორიაში პირველად გავიდა, ტურნირის ერთ-ერთ ფავორიტად შერაცხულმა სამხრეთ კორეამ კი კონტინენტის ჩემპიონობის შანსი კვლავ გაუშვა, ბოლოს მათ ეს ტიტული 1960 წელს მოიპოვეს.
ფინალში იორდანიის მეტოქე ირანისა და მასპინძელ კატარის ნაკრებებს შორის დაპირისპირებაში ხვალ გაირკვევა.
აზიის ჩემპიონის ვინაობას 10 თებერვალს გავიგებთ.
