დრამა, პენალტები, ქამბექი - არსენალმა მერვედფინალის წყევლა მოიშორა

ჩემპიონთა ლიგის საპასუხო მერვედფინალში არსენალმა პორტოს ბარიერი ურთულესი გაჭირვებით გადალახა. 

 

პორტუგალიური გუნდი ემირეითსზე შინ მოპოვებული 1:0 გამარჯვებით ჩავიდა და მთავარ მიზნად ამ უპირატესობის შენარჩუნება დაისახა. 

 

პირველივე ტაიმში ოდეგორის პასით ტროსარმა არსენალი დააწინაურა და მაშინ ვინ იფიქრებდა, რომ ეს მატჩის თამაშიდან გასული ერთადერთი გოლი იქნებოდა. 

 

საბოლოოდ საქმე ჯერ დამატებითებამდე, შემდეგ კი პენალტებამდე ჩავიდა, სადაც არსენალის ფეხბურთელებმა ოთხივე დარტყმა ზუსტად შეასრულეს, პორტომ კი მხოლოდ ორის გატანა შეძლო - დავიდ რაიამ მენდელს და გალენოს აჯობა და მეთოფეები ლიგის მეოთხედფინალში გაიყვანა. 

 

ამრიგად, არსენალმა ლიგის მერვედფინალური ბარიერი ზედიზედ 7 გამოვარდნის შემდეგ პირველად გადალახა და თავისთვის ეს უიღბლო სერია საბოლოოდ დაასრულა.