ბუდუმ გაიტანა და ასისტიც მიითვალა - კარლსრუემ თასზე მოიგო

გერმანიის თასის 1/32 ფინალში კარლსრუე სტუმრად რეგიონალლიგის გუნდ ლოტეს დაუპირისპირდა და მეტოქე გაანადგურა.
სასტარტო შემადგენლობაში იყო ბუდუ ზივზივაძე, რომელმაც მოედანზე 72 წუთი გაატარა. ქართველმა თავდამსხმელმა 21-ე წუთზე საგოლე გადაცემა მიითვალა, მარვინ ვანიცეკმა კი ანგარიში 0-2 გახადა.
შეცვლამდე 3 წუთით ადრე გოლი თავად ბუდუმაც გაიტანა, 69-ე წუთზე ზივზივაძემ სხვაობა ოთხამდე გაზარდა.